May 21, 2024
ሞዛይክ

8 ልጅ ከተወለደ በኋላ ወዲያውኑ የሚታዩ የድህረ ወሊድ የሰውነት ለውጦች

በድህረ-ወሊድ ጊዜ፣ በሌላ መልኩ (The Fourth Trimester)  ተብሎ የሚጠራው አንደ ሴት ከወሊድ በኋላ የምታደርገው ጉዞ አስደናቂ ሳለ ብዙ ጊዜ ግን ብዙም ትኩረት የማይሰጠው ነገር ነው። በዚህ ጊዜ በሴትዋ አካል ላይ ከሚከሰቱ አስደናቂ ነገሮች እዚህ አሉ።

  1. ቀጣይነት ያለው የማህፀን መሸምረር– ማህፀኑ ከወሊድ በኋላ መሰብሰቡን (መሸምረሩን) ይቀጥላል፣ ይህም ከእርግዝና በፊት ወደነበረውን የሰውነት መጠን ወይም ግዝፈት ለመመለስ ይረዳል። በዚህ ወቅትም ሴትዋ ያለመመቸት ወይም የመረበሽ ስሜት ሊሰማት ይችላል።
  1. የጡት ወተት ማምረት – አንደ ሴት ከወለደች በኋላ ወዲያውኑ የጡት ወተት ማምረት ትጀምራለች፣ መጀመሪያ አካባቢ የሚወጣው ወተት ኮሎስትረም በተባለ ለልጆች እድገት ወሳኝ የሆነ ንጥረ ነገር የበለፀገ ነው።
  1. የሆርሞኖች መለዋወጥ – ኤስትሮጅንና ፕሮጄስትሮን የተባሉ የሆርሞኖች መጠናቸው በከፍተኛ ይቀንሳል ወይም ይለዋወጣል፣ ይህም በብዛት የስሜት መለዋወጥ(Mood Swing) እና ድብርትን በሴትዋላይ ያስከትላል።
  1. የደም መፍሰስ – ከወሊድ በኋላ ሎቺያ ተብሎ የሚጠራው የደም ፍሰት ለቀናት ወይም ለሳምንታት በሴትዋ ብልት እየፈሰሰ ሊቆይ ይችላል፣ በዚህ ወቅትም ከቴምፖን ይልቅ ሞዴስ መጠቀም ያስፈልጋል።
  1. የድህረ ወሊድ ሆድ ቅርፅ – ብዙ ሴቶች ከወለዱ በሃላ የድህረ ወሊድ የሆድ ቅርፅ ይኖራቸዋል ማህፀናቸው ተሸምርሮ ከፅንሱ በፊት ወደ ነበረው መጠን ሊመለስ ረዘም ያለ ግዜ ሊወስድ ስለሚችል የስፖርት እንቅስቃሴ እና ትዕግስት ቁልፍ ነቸው።
  1. የምሽት ላብ – ሰውነት ሆርሞኖችን ለማደላደል ወይም ባላንስ ለማረግ እና አላስፈላጊ ፈሳሾች ለማስወገድ በሚል የሌሊት ላብ ከወሊድ በኋላ የተለመደ ነው። መኝታ ቤቱን ማቀዝቀዝ እና ቀላል ልብሶችን መልበስ ይሄን ጊዜ ለማለፍ ይረዳል።
  1. የፀጉር መርገፍ – ከወሊድ በኋላ የፀጉር መርገፍ የተለመደ እና በሆርሞን መለዋወጥ የሚመጣ ነው። በእርግዝና ወቅት ፀጉር በብዛት ይጠወልጋል እና ከወለዱ በኋላ በፍጥነት ይረግፋል
  1. ኦክሲቶሲን ሆርሞን መጨመር – “የፍቅር ሆርሞን” የሆነው ኦክሲቶሲን ከወሊድ በኋላ መጠኑ ከፍ ይላል፣ ይህም በእናቲቱ እና በልጅዋ መካከል በተለይም ጡት በማጥባት ወቅት ግንኙነትን ይበልጥ እንዲጨምር ያረጋል።

የድህረ ወሊድ ጊዜ የተለያዩ አካላዊ እና ስሜታዊ ለውጦችን ያካትታል ፣ ሁሉም አስደናቂው ለሆነው የእናትነት ጉዞ አስተዋፅኦ ያደርጋሉ።